IHEREREKANYA-BUBASHA (HANDOVER)

Kuri uyu wa kabiri, taliki ya 03/01/2012, habaye ihererekanya-bubasha hagati ya Dr James VUNINGOMA, Umunyamabanga Nshingwabikorwa w’Inteko Nyarwanda y’Ururimi n’Umuco na Bwana Straton NSANZABAGANWA, Umuhuzabikorwa w’Inteko Nyarwanda y’Ururimi n’Umuco.

Iri hererekanya-bubasha ryayobowe na Bwana Edward KALISA, Umunyamabanga Uhoraho wa Minisiteri ya Siporo n’Umuco na Minisiteri y’Urubyiruko, imbere y’abagabo :

- MAKUZA Lauren Theccle, Umuyobozi w’Umuco ; - ICYIMPAYE Françoise, Ushinzwe Imicungire y’Abakozi ; - MUNYAZIKWIYE Théogène, umukozi mu Nteko Nyarwanda y’Ururimi n’Umuco.

Mu byahererekanywe, harimo :

 amategeko n’amateka ajyanye n’Inteko Nyarwanda y’Ururimi n’Umuco ;
 politiki y’umuco ;
 inyandiko ikubiyemo ingamba z’Umuco mu myaka 5 ;
 agatabo k’indangagaciro ;
 inyandiko zinyuranye zirimo ibyemezo by’inama za STOCHHOLM, DAKAR, Ex-OUA, UNR BUTARE, Imishyikirano, …
 raporo z’ibikorwa by’ingenzi kugeza mu Ukuboza 2011 ;
 abakozi 2 bari bashinzwe gushyiraho Inteko Nyarwanda y’Ururimi n’Umuco ;
 n’ibindi.

Dr James VUNINGOMA Umunyamabanga Nshingwabikorwa